女兒moOmoO是個全母乳baby，在媽咪朋友面前，麻媽絕少提及自己當母乳媽咪的年期，除非朋友主動問到。知道的總是讚嘆不已，實在過程中讚嘆很少，閒言閒語卻很多，漸漸地麻媽也習慣不問不提。

在香港當個母乳媽咪確實難，守舊中國人的顧忌，旁人對母乳不了解、猜疑等都是障礙。如果你正打算產後餵母乳，假如你正在母乳媽咪路上聽到類似以下說話，別上心，我明。我真係明。

初生期

1. moOmoO婆婆：「BB喊得好淒涼喇！你咁耐都未得呀？」

先聲明一下，婆婆是非常支持母乳的 (無反對就當支持囉)。不過，面對孫女喊都會於心不忍。

麻媽有say：母乳唔係即沖即有，飲完啖水都要等消化，麻媽唔係水龍頭，一扭就有啊。

2. 工人姐姐：「太太，是否奶水唔夠moOmoO喝？」

姐姐自己是餵全母乳，以為應該好明白麻媽處境。錯晒。家鄉比較落後無設備將奶泵出來，全親餵的她以為奶樽一定要裝滿。

麻媽有say：初生BB每餐平均只需要30-60ml。再者身體有儲備，頭幾日就算唔飲都唔會餓壞。

在職媽咪時期

3. 老闆：「My wife also breastfed my 3 kids, why can't you schedule like her?」

雖然老闆身邊有一位母乳太太，但不等如他理解餵母乳的運作人人不同。

麻媽有say：每個母親身體構造不一樣，每個孩子的需求也大不同。請不要互相比較。

4. 同事A：「有需要咁辛苦咩？當年我奶水夠都唔餵，阿仔一樣食奶粉大！」

當有幾多媽咪用盡辦法想增奶，奶水夠的這位同事，卻覺得餵人奶好辛苦要放棄。

麻媽有say：只能說，我唔覺得辛苦，更好感恩有呢個機會做個真正哺乳類。

5. 同事B：「公司其他母乳同事都向廁所泵奶啫」

麻媽大概係第1個問准公司借用空置會議室每日泵奶。每日自己安排時間，遷就會議室檔期。自問無阻礙其他人情況下，依然會有人覺得「點解你唔一樣？」

麻媽有say：大概無人會喜歡將飯盒帶入廁格入面食，正如我唔希望係廁所準備moOmoO的食糧。

開始加固後

6. 同事C/三姑六婆：「moOmoO都咁大個，你打算餵到幾時？其實仲有咩？」

見moOmoO食飯食得好，不知何解自然覺得應該停餵母乳。吊詭的是，如果家裏是餵奶粉，加固成功後繼續飲到456歲直至上小學的大有人在。

麻媽有say：只有moOmoO最清楚有冇。佢話有，我就餵。母乳一歲後主要供給的是大量抗體與安全感。

麻媽是靠着母乳渡過分離焦慮與入學期病菌交換期。聽下笑下，moOmoO就在2歲7個月離乳了。

我知道更難聽更歧視的有很多，分享自己的小小辛酸，是希望你知道 - You are not alone! 只要堅信是為孩子好就夠。大家加油！

MOoMOo麻媽

80後金牛座媽媽，育有一名z世代金牛座女兒。二人性格同樣愛吃愛玩，但亦相當固執。

麻媽率性勇敢，女鵝細膩樂天。每天於美食、教養及搗蛋中徘徊，希望透過文字跟同路的你互相鼓勵，啟發養育正能量。

Facebook Page - https://www.facebook.com/mrsandmissyMOoMoO/

更多MOoMOo麻媽的Blog：http://bit.ly/2v3KAyr