最近聽一位產後嘅媽媽介紹話去咗「髮再生」到做咗個關於生髮同頭皮方面嘅護理，眼見佢脫髮問題真係改善咗，所以都心思思上去了解下。

首先理療師同我講解關於頭髮脫落嘅成因、種類同埋療程帶來嘅改變。

唔講唔知，一般成年女性豐盛嘅頭髮數量約150,000 條，而成年男性頭髮數量約130,000 條，所以頭髮嘅保養真係唔好輕視！

其實當日上去之前已經洗咗頭，但係當理療師幫我用頭皮分析機做個詳細既頭皮檢測放大60倍睇先知，睇到毛囊口都舖滿咗好似豬膏嘅黃色油脂，原來日常洗頭係未必可以將頭皮毛囊口嘅油脂同污垢完全清潔到㗎，而日常生活緊張，工作壓力，都會增加我哋嘅頭油分泌，而頭皮嘅毛囊一旦過於油膩甚至阻塞嘅話，就有機會導致毛囊發炎甚至萎縮，頭髮仲會出現嚴重脫落情況。

首先理療師用納米營養健髮儀配合蛋白質營養水幫我補充返頭髮同頭皮嘅營養同埋水份，

當中通過高溫將蛋白質營養水轉化為非常細小嘅納米粒子，令營養好容易滲透到每一個毛囊內，同時淨化頭髮毛鱗片上既化學物質，令頭髮可以飽水和有光澤。

呢個高溫仲可以修復破損微細髮絲表層鱗片，仲可以加速新陳代謝同埋血液循環， 平衡pH值保護頭皮健康。

之後就到頭療，佢係用一部專業嘅儀器加上唔同嘅工具黎做既，呢個算係一個養生同護髮嘅護理，因為佢主要係以疏經活絡加速血液循環、做完仲可以增加記憶力、改善睡眠質素等等....

第一步～微電流髪叉

透過微電流同共震波嘅技術刺激頭皮穴位及經絡、衡氣活血， 同時可以鏟走頭皮上多餘嘅角質同埋油脂

第二部～紫外光電頻波治療儀

刺激毛囊口嘅豎毛肌，令髮根更有彈性，紫外光有殺菌功能，亦有助舒緩頭皮發炎泛紅

第三部～中藥水氧氣槍

將經衛生署中藥組註冊嘅純中藥藥水配合高壓氧氣槍噴射入頭皮，補充頭髮生長所需營養，促進頭髮生髮，同時加強自身免疫力，頭皮更加健康。

做完一整個頭療之後，理療師仲好細心咁提供風筒同埋梳比我整理髮型，之後理療師會再次幫我用頭皮分析機做個護理後檢測，

對比之下發現頭皮真係乾淨左好多！原本毛囊裏面嘅油脂都被清埋出嚟，感覺頭皮真係清爽咗同埋視覺效果上頭髮係多咗嘅，因為髮根有彈性和有力，解決咗我髮質偏幼軟而扁撻嘅問題。

為咗保持住頭髮唔好再脫落，及時護理原來真係好重要呢！