因為瞳妹妹百日同言妹妹三歲生日喺同一個月，所以索性一齊慶祝！但難度係又有親戚，又有friend，仲有唔少小朋友... 幸好遇上很好的restaurant manager，幫我一切預備得妥當，場內大人小朋友都開心滿意！

我個人比較喜歡西式buffet，因為大部分賓客會食得開心D，而且又唔洗砌圍數。我同言爸爸工作上都喺搞開event，所以set場、設計佈置都自己來。本來都想訂造個靚靚糖霜蛋糕影相，但餐廳幫手安排埋蛋糕，我就平平地印塊foamboard做cake topper。

當日的自助午餐菜單都不錯～ 有小朋友最愛的雪糕同爆谷，沙律、熱湯、海鮮、熱盤、招牌豬手、大量甜品，飲品有茶、啡、汽水、果汁同埋德國啤酒，來賓反映味道同質素都幾好。

因有不少小朋友來賓，場地幫手預備左一張枱作小朋友活動區，有玩具、畫筆、貼紙等等，見到一班小朋友都好開心。

到切蛋糕環節，餐廳仲安排左個職員守住個蛋糕唔俾小朋友掂～又播哂生日歌，言妹妹都唔怕醜唱得好大聲！

場地另一個角落我地set左影相區，亦有少少空間俾小朋友「放電」。

雖然不能說是完美，但看到在場每一位樂在其中就夠了！

餐廳資料：

Prost by king Ludwig

地址：尖沙咀美麗華廣場一期3樓302鋪

Suetlei Mama . 雪梨媽媽

全職工作，偶爾要出差，大學主修傳理，畢業後跑到慈善機構工作。作為雙職媽媽生活工作兩忙，但發現原來離不開文字，再忙都想記下孩子的成長點滴。自籌備婚禮開始寫Blog，內容由結婚到新婚生活、陀B、湊B、帶B旅行、育兒心得等。

Facebook Page - https://www.facebook.com/suetleimama/

婚禮籌備 · 陀B湊B - http://wow.esdlife.com/suetlei

旅遊Blogs - http://hutchgoer.com/author/suetlei

Contact: suetleimama@gmail.com

更多雪梨媽媽的Blog：http://bit.ly/2uSfb2z