以前思維係：BB肥嘟嘟真可愛，最好手仔腳仔都好似米芝蓮咁一節節先叫好福氣。
依家？見人地BB係咁就好玩好得意，自己BB如果過肥就未必係好事。 BB肥胖對健康有多種影響，例如發展成兒童和成年超重/肥胖，影響骨骼和關節發展；亦會影響呼吸和心肺功能。而BB於成年後亦容易誘發慢性病，如三高，糖尿病，心血管風險等。
相反，過輕BB當然亦唔健康。如果BB長期過輕，會影響BB整體發育，亦會影響BB免疫力，容易生病，亦較難保暖。
所以，適中最好。
何謂適中？可以使用男/女BB身體發育曲線圖，包括體重，身高和頭圍，來衡量BB發育正常與否。
母嬰健康院會定期為BB做呢三項記錄，只要BB一路跟住自己的生長曲線成長，都算正常進度。如果細碼B跳了一個bar 上了一條線是好事，但如果跳了幾條bar，或跌了幾條bar，都有體重超標/過輕的風險，家長要留意。
當然，衡量BB是否健康成長，還有其他指標，例如是否食得，瞓得，poo poo得，以及腦部的全面發育，包括智力，動作，情感，和語言發展等。
每個BB都有自己的生長發展進度，家長不需要為了一兩個指數而耿耿於懷。
#肥B #瘦B #米芝蓮BB #兒童肥胖 #兒童健康 #BB發育曲線圖 #體重身高頭圍
Annie Lee－香港營養師學會 (HKNS) 認可營養師
家有三寶, 一囡和一對龍鳳胎
任職營養師主管多年, 生Bsss後轉為私人執業營養師.
身兼多職, 撰寫多個健康專欄, 舉辦健康講座, 為人客提供飲食營養建議,喜歡分享貼地的母嬰和育兒的經驗及營養資訊.
Facebook Page: https://www.facebook.com/AnnieLeeDiet/
更多營養師 Annie Lee的Blog：http://bit.ly/2v3H7zR
