今年真係好多時間做咗空中飛人，幾乎一星期飛一次；期間不停工作，開會，拍攝⋯⋯有時真係連停落嚟飲水嘅時間都無，成個人又乾又躁。咁嘅生活習慣下，皮膚又點會好？！記得有次拍攝完之後我哋攝影師私底下嚟問我係唔係病咗，因為面青口唇白，個妝又浮粉。嗰一刻我就知道，啊！～我要開始注意健康同養生啦！

之前都有食開維他命同一啲補充品，免疫力係有增強但其實唔會真係感到身體同面色有好大轉變。上年年尾試咗北京同仁堂嘅白鳳丸，話有「中藥美容」功效，可以打造紅潤美肌。的確由細到大都聽到廣告話白鳳丸係女士健康良伴，所以就抱住即管試試嘅心態食左幾個月。到底白鳳丸係咩呢？我都研究左一陣。成份以烏雞、黃芪、白芍、丹參、人參、當歸、熟地黃、鹿角霜等藥材製成；補氣、養血、調經，有效改善女性週期不適，手腳冰冷，滋補養顏。

哈哈！再簡單啲咁講就係一種女性保健產品，主張固本培元美容法，調理好體內健康，好好滋補先可以由內至外散發美麗。我自己食左幾個月之後，就覺得月事嚟嘅時候無之前咁唔舒服，同埋蒼白嘅面色有好返少少。當然唔係話唔駛化妝出街咁誇張啦，但起碼睇落個咀唇有返啲粉紅色而唔係蒼白一片。

有好多唔同嘅品牌都有出白鳳丸，之前都有出過一啲報導話有啲白鳳丸驗出鉛超標８倍，衞生署呼籲回收。所以，如果大家有興趣想買白鳳丸的話，記得買信譽良好嘅牌子喔！