大家有留意我 instagram 的話，應該都知上星期五係我人生中好重要嘅一日﹣就係可以上 Apple Store 臺上，同大家分享我嘅創業歷程！其實好早之前已經同 Apple Store 傾今次嘅合作，仲邀請到我嘅好好好朋友 Michelle（盧覓雪）做主持，所以期待左好耐。到開放預約時又怕無人登記，收到登記後又驚大家當晚唔嚟，擔心左幾日；哈哈，好在當晚大家都有出現咋！多謝你地啊！

今年我俾左個目標自己，就係要出席多啲唔同嘅講座同分享會，接觸多啲想創業嘅朋友，透過 發展 DayDayCook 嘅經歷鼓勵更多年輕人創業。希望我嘅經驗同小貼士都幫到你地啦！好想再一次多謝當晚到場嘅支持者，完左之後不但無急急腳走，仲留底同我傾計影相！由一個 Banker 走到今日成為左一位創業人士，都係多得有大家支持！我地一定會繼續努力令更多人「日日煮」！

最後，一定要 Post 返我同雪雪嘅合照先！請左佢去我屋企作客，食「日日煮」大餐！YumYum！