农历新年过后屋企花胶存货已经清光光，所以即刻去帮衬左20几年相熟慨伯伯入返D货看门口先！由于从小南区长大，所以好少帮衬大型海味店，因为心知就系羊毛出自羊身上，唔少广告费包含消费者身上！所以我喜欢选择水上人自家生晒小档铺，认为比较货真价实！香港仔、鸭脷洲出名就系海鲜、虾米、花胶之类慨干货！好开心可以同大家分享一下咁多年买花胶心得！

色泽清澈

拣花胶我唔会拣颜色太深太混浊，我心目中理想花胶系要向灯光下照出半透明，色泽黄而透亮。因为坊间实在太多假货，真正慨花胶颜色一定唔会系完全均匀、亦唔会成只雪白色，而且必定有天然不规则纹路、有不均匀深浅琥珀色反而系未经过漂白加工慨上等货色！

不可带血

正常买花胶系会检查有冇某啲位置突然间深色，深色就是血水血丝！尽量避免拣有瘀血花胶。花胶身上带深黑色慨就系瘀血，通常系晒之前清洗唔干净，所以留下血迹，由于花胶内藏瘀血，浸发时会散发腥味，好难处理！

厚薄之分

花胶可分为「公」同「乸」，浸发后花胶公较结实，烹调时受热都唔会容易溶化；相反花胶乸烹调时较易溶化流失胶质在餸菜或汤内，而且口感软林淋，无公胶咁实净。价钱方面花胶公比乸贵。坊间流传有一种讲法，厚身就系一定系好嘢贵嘢，但如果系花胶公呢？咁就薄都可以系靓嘢la，所以人地话薄就唔系好嘢！个人觉得都未必系完全正确慨！

希望小小知识可以帮到大家下次买花胶时更得心应手la!