川味麻婆豆腐
2017-09-10發布By DayDayCook
食譜簡介
傳統思想上，孕婦係唔應該食太刺激既食物，但係在營養角度上係無呢樣野既，反而會擔心胃口吾好而影響食慾，阻礙營養素吸收，所以我推介呢道四川名菜麻婆豆腐比大家，辛辣加上麵豉獨有既味道，令清淡既豆腐變得精彩，配白飯或者熱既上海拌麵都非常一流。
食材
砂糖 1茶匙
生粉 1茶匙
蒜頭 2瓣
辣椒 1 條
瘦肉碎 80g
豆板醬 1茶匙
滑豆腐 1件
麵豉 1g
生粉(豬肉醃料) 1茶匙
生抽(豬肉醃料) 1茶匙
胡椒粉(豬肉醃料) 1茶匙
烹飪步驟
1.滑豆腐切成大件，備用。
2.辣椒洗淨，瀝乾，切粒，備用。
3.麵豉加入代糖拌勻，備用。
4.蒜頭去皮，剁成蒜蓉，備用；瘦肉碎用醃料醃好，備用。
5.燒熱鑊，炒香蒜蓉，下肉碎炒至半熟後，下辣椒、麵豉及豆板醬輕炒，加水煮至肉碎熟透後，加入滑豆腐輕炒半分鐘，上碟，即成。
