忙咗幾日, 終於抽到少少時間寫blog同探大家. 好掛住你哋呀~~ 

秋天已到, 早幾日仲要立埋冬, 但係一D凍意都feel唔到. 反而乾燥嘅天氣先知道秋天嚟咗. 每逄秋冬, 如果感冒的話, 我條氣管就好難斷尾. 因為我有氣管敏感, 仲有嚴重嘅跡象. 醫生曾講過已現變成有輕微哮喘, 所以一到秋冬時份, 我都會好好保護我條氣管. 煲鱷魚肉湯就最好不過. 

准山茨實海底椰鱷魚肉湯

材料:

准山 1兩

茨實 1兩

海底椰 6塊

南北杏 2錢

蜜棗 2粒

急凍鱷魚肉 1塊

瘦肉 $20

薑 3片

做法:

1. 鱷魚肉解凍, 與瘦肉一同汆水備用.

2. 海底椰洗淨[唔好去皮], 其他材料浸洗, 備用.

3. 水滾後將所有材料放入, 大火煲半小時, 轉慢火再煲２小時, 加鹽調味即成.

網上小知識:

鱷魚肉營養豐富, 有大量的蛋白質和人體必需的氨基酸、不飽和脂肪酸、維生素和多種微量元素, 但脂肪含量少. 鱷魚體內的一種優化核酸, 常食可補氣血、壯筋骨、驅濕邪, 對咳嗽、哮喘、風濕、貧血、糖尿病等有較好的輔助功效. 

鱷魚肉的骨膠原含量高, 能護膚養顏作用, 使皮膚增加彈性, 減少和延緩皺紋早現. 

鱷魚肉尤其適合因體弱及肺弱而引起的各種不適症狀：

身體虛弱者, 特別容易及經常患上傷風感冒毛病. 

呼吸系統虛弱者, 尤其在轉天氣時、忽冷忽熱的天氣, 特別容易久咳不癒、出現支氣管毛病及哮喘等症狀. 

按這裡來LIKE吓我的Facebook Page支持呀~