母乳媽媽除了怕塞, 怕無奶, 第三樣是怕損.
不論是BB太大力或出牙仔咬損, 定奶泵力度不適合泵損, 乳頭損了, 除了痛, 又怕發炎, 而且嚴重的會流血, 變成 “士多啤梨奶”, 都唔知俾唔俾BB飲好….



首先, “士多啤梨奶”, 如果即時俾BB飲, 基本上是無問題的 (我啲Bsss 都飲過…), 除非是乳頭受到感染.
如果不幸損咗, 快的方法是每次哺乳後, 留一兩滴母乳搽在受傷位置, 待自然乾後才穿衣. 另外市面上亦有羊脂或牛油果油造的乳頭潤膚膏 (Nipple Cream / Balm), 幾個大牌子於百貨公司母嬰部及樓上店都有售.
損了, 當然要時間復原, 但又不用因此而停止餵哺. 不妨嘗試用手擠奶, 代替埋身和用泵. 雖然用手會攰, 會慢, 又少了親子時間, 但起碼力度可以自己掌握, 防止受傷位置惡化.



要預防受傷, 除了祈求阿B 生生性性錫住媽媽, 新手媽媽最好在bra 內加乳墊, 減少磨擦. 另外, 泵的力度亦要量力而為, 唔好因為貪快一下子開到最大, 要好好愛惜BB的 “米飯班主” 啊~~

Annie Lee－香港營養師學會 (HKNS) 認可營養師 

家有三寶, 一囡和一對龍鳳胎

任職營養師主管多年, 生Bsss後轉為私人執業營養師. 

身兼多職, 撰寫多個健康專欄, 舉辦健康講座, 為人客提供飲食營養建議,喜歡分享貼地的母嬰和育兒的經驗及營養資訊.

Facebook Page: https://www.facebook.com/AnnieLeeDiet/

更多營養師 Annie Lee的Blog：http://bit.ly/2v3H7zR